Cambridge Trinity College MS. O.7.1 – page 56v
Llyfr Blegywryd
56v
. or dichaỽn
ef dangos yna neu ar oet pymthec
niwarnaỽt trỽy lyfyr kyfreith yn er ̷+
byn braỽt. braỽt teilyghach yn yscri ̷+
uennedic. y teilyghaf a seif idaỽ. ar
braỽdỽr a gyll camlỽrỽ. Tri dyn ny
allant ymỽystlaỽ yn erbyn braỽt
trỽy gyfreith. vn yỽ brenhin. lle ny
allo herwyd kyfreith sefyll y myỽn
dadyl ger bron braỽdỽr y holi neu
y atteb trỽy vreint anyanaỽl neu
trỽy vreint y tir mal breyr neu ar+
all. Eil yỽ dyn eglỽyssic rỽymedic
yn vrdeu kyssegredic. Trydyd yỽ dyn
eglỽyssic rỽymedic yg|crefyd. cany
dichaỽn neb herwyd kyfreith rodi
gỽystyl yn erbyn braỽt. onyt dan
perigyl gỽerth y tauaỽt. Ac nyt oes
werth gossodedic yg|kyfreith hywel
ar aelaỽt a gỽaet dyn eglỽyssic. ae
sarhaet. Ac ỽrth hynny ny eill neb
o·honunt ỽy rodi gỽystyl yn erbyn
braỽt. na chyt a braỽt. Holl argywed
| « p 56r | p 57r » |