BL Additional MS. 14,912 – page 77r
Meddyginiaethau
77r
dỽym a|r boreu yn oer a|doder dalen o|r
kaỽl ar y brath heb amgen veddeginy+
aeth ac ef a|ddaỽ y ddiot honno drỽy yr brath
ac veỻy y iacheir o vuỽn yn gyntaf a
gỽedy o|r tu aỻan o|r dyỽededigyon ỻys ̷ ̷+
seue hynny y geỻir gỽneuthur pelenev
y rei a eỻyr i kadỽ drỽy y vlỽythyn
nyd amgen o|r kunyỻir myỽn Mis Mai
neu o|r leiaf kyn gỽyl Jeuan vedyddyỽr
a briỽer hỽynt yn dda y·gyd ac na ver+
ỽer eithyr yn gydneyt gỽneler hỽynt
a dỽylo yn bele bychein a sycher hỽynt
heb heul ac heb ormodd ˄gỽynt ac vel+
ly cadỽer hỽynt ac pan vo vn brathe+
dic torrer vn belen a roer y hanner
y|r brathedic myỽn kỽrỽ claer a doder
dalen ar y brath o|r kaỽl ˄kochyon ac veỻy y
byd iach y brath. Rac y tosted. ~
| « p 76v | p 77v » |