BL Additional MS. 14,912 – page 77v
Meddyginiaethau
77v
Had eruin y·syd dda rac y|tostedd y
vriỽaỽ yn dda ac y·uet y boreu neu o|y
gỽreidd a|r ryỽ lynn. [ Rac y tostedd
y·uet y grỽnuilyev. dormaen a|r alex+
andyr a da yỽ hẏnnẏ Heuyt kymer
y·gyt a|r ỻysseu hynny eirin a berỽ yn
dda a mortera yn dda a|chymysc vel
dogyn ac wynt a berỽ elchỽyl yn dda
yny vo iỽd a bỽyttaed gỽrs o·hanaỽ bop
bore a iach vydd yn ddiogel. Y beri
pissaỽ. kymer. agheỻedd gauyr neu vỽch
a ỻosger a gỽneler yn dỽst ac yuer
myỽn ryỽ lynn pob boreu a iach vydd
Y|r neb a vo yn pissaỽ [ a|e aruero.
gỽaet. kymer. sudd persli a|r godrỽyth a|r
hockys a mel a blaỽt ryc a gỽnaet flas ̷ ̷+
tar brỽd ac yn dỽym iaỽn dodet ar y
ỽerddyr ar vrethyn ac y·dan y ỽialen
| « p 77r | p 78r » |