Bodorgan MS. – page 97
Llyfr Cyfnerth
97
anreith o varỽty neu o neb dadyl arall;
y teulu ar maer yr aneired ar enderiged
ar dinewyt ar deueit ar geifyr ac a gaf ̷+
fer o da oll yn| y ty eithyr y meirch
ar ychen ar gỽarthec maỽr ac eur ac ary+
ant a dillat a maerỽyaỽc. Ac o|r byd vn
peth a talho punt; y brenhin heuyt ae
keiff. Trayan galanas a dygỽyd ar per+
chennaỽc yr aryf y llathyr dyn a hi.
Da a dyccer o ryfel y hedỽch; deu hanher
uyd rỽg y neb ae dycco ar neb bieiuu gynt.
O|r byd deu·dyn yn kerdet trỽy goet. A go+
llỽg gỽryscen o|r blaenhaf ar yr olhaf hy+
ny gollo y llygat. ef a dyly talu y lygat id ̷+
aỽ onys rybudya.
OEt y·rỽg llys a llan naỽ nieu y rodi at+
teb gỽedy haỽl. A naỽ nieu y rodi mach.
A naỽ y rodi gỽir o|r haỽl deissyfedic. haỽl
vn gantref. tri·dieu y rodi atteb. A thri y
rodi mach. A thri y rodi gỽir o|r haỽl deis ̷+
syfedic. Yn| y cantref nessaf; pump nieu
y rodi atteb. A phump y rodi mach. A ph+
ump y rodi gỽir o|r haỽl deissyfedic. Yn|y
cantref trydyd. naỽ nieu y rodi atteb. A naỽ
| « p 96 | p 98 » |