NLW MS. 24029 (Boston 5) – page 145
Llyfr Blegywryd
145
o|hỽnnỽ nẏ chaffant ran o tir y|gan ge+
nedẏl eu mam o|gẏureith O r dyry ry+
eni. neu genedẏl; wreic tlawt y alltut
plant honno o|r alltut a gahant ran
o|tir gan genedẏl eu mam ac ny cheiff
vn ohonunt eistedua arbenhic hyt y
trẏded ach. Ac o|rẏỽ gẏniwedi honno
ẏ|nescir gỽarthec diuach y eu talu dros
alanas. Ac ẏ|dẏlẏir mechni drostunt
o|r mod hỽnn os mab ẏr alltut o r wreic honno a lad dyn
kenedẏl ẏ|vam a tal ẏ lladedic kanys nyt
oes genedẏl ẏ|r alltut ẏ|galler rannu
arnunt alanas na|e dial. O r tyrr
llog ar|tir esgob; deu|hanner vyd yr
ennill rỽg ẏ brenhin a|r esgob Os ar
tir ẏ|brenhin e|hun ẏ|tẏrr; ef e|hunan bieiuyd
ẏr enill. Beth|bẏnnac a|vẏrho morg+
ẏmlaỽd ẏ|r tir megẏs torri llog ẏ bren+
hin bieiuẏd. Pỽẏ|bẏnnac a|oruedho
seuẏll ỽrth gyureith ẏn llẏs ẏg|gỽẏd
ẏ|brenhin; anreith odef vẏd. Eil dẏn
anreith|odef vẏd; flemaỽr. Trẏdẏd yw
dẏn a|latho kelein kẏỽlat ac ef.
P wẏ|bẏnnac a|torrho not ar
ffin rwg deu tir neu dwy
| « p 144 | p 146 » |