NLW MS. 24029 (Boston 5) – page 62
Llyfr Blegywryd
62
nẏ hanffont o vn wlat; ennẏnu haỽl
ẏnn|ẏ dẏd kẏntaf o|r wẏthnos nessaf
gỽedẏ llather ẏ gelein. Ac erbẏn penn
ẏ pẏthewnos onny daỽ atteb. kẏfreith
ẏn rẏdhau dial. Eil ẏỽ; o|r bẏdant ẏ
duỽ* genedẏl ẏn vn gantref. ennẏnu
haỽl ẏnn|ẏ trẏdẏd dẏd guedẏ llather
ẏ|gelein. Ac onnẏ daỽ atteb erbẏnn pen
ẏ|naỽuettẏd; kẏfureith a|rẏdha dial.
Trẏdẏd ẏỽ; os ẏn vn gẏmhỽt ẏ|bẏd+
ant; ennẏnu haỽl ẏnn|ẏ trẏdẏd dẏd
gỽedẏ llather ẏ gelein. Ac onnẏ daỽ a
atteb erbẏn ẏ whechet dẏd; kẏfreith
a|rẏdha dial. TRi thaỽedaỽc gorssed;
arglỽẏd gỽir ẏn gỽarandaỽ ar|ẏ wẏrda
ẏn barnu eu kẏfreitheu. Ac ẏgnat ẏn
ẏ* |gwarandaỽ haỽlỽr ac amdiffẏnnỽr
ẏn ẏmatteb. A mach ẏn gỽarandaỽ ẏ
kẏnnogẏn a|r|talaỽdỽr ẏn ẏmatteb.
TRi gỽanas gỽaẏỽ kẏfreith ẏn dadleu
ẏssẏd; gỽan arllost ẏ gỽaẏỽ ẏnn|ẏ da+
ẏar a|e vn llaỽ hẏnnẏ vo abreid ẏ|tẏnu
a|e dỽẏ·laỽ. A gỽan ẏ ben ẏ|mẏỽn tỽẏn
hẏnnẏ gudẏo ẏ|mỽn. A|e dodi ar|lỽyn a|fo
kẏfuch a gỽr. Ac onnẏ bẏd ar vn o|r|teir
| « p 61 | p 63 » |