NLW MS. 24029 (Boston 5) – page 96
Llyfr Blegywryd
96
ẏ gweithret. kẏn rodi barn teruẏned+
ic rỽg ẏr haỽlỽr a|r gwarant. A|hẏnnẏ
gỽedẏ gỽrtheb ẏr amdiffẏnnẏat. Y n+
eb a|gaffo gwarant ẏ|mẏỽn ẏ|dadẏl.
nẏ cheiff tauotẏaỽc amgen no wara+
nt ẏnn|ẏ dadẏl honno. Kannẏs ẏ|wa ̷+
rant a|dẏlẏ gỽrtheb drostunt ell deu.
Kannẏt oes dim o|warandaỽ amgen
noc amdiffẏn. a|rẏdhau. Pỽẏ|bẏnnac
a|uo gỽell gantaỽ arall ẏ|dadleu drostaỽ
ẏnn|ẏ llẏs noc ef e|hun. Kannẏat ẏỽ
idaỽ teỽi heb dadleu dim tra vẏnho gẏ+
nhal tauotẏaỽc. Y neb a vẏnho tẏstu
gỽall ẏ|mẏỽn dadẏl ẏn erbẏn perchen
tauotẏaỽc; tẏstet ar|ẏ|tauotẏaỽc.
Kanny ellir provi vn guall ar|ẏ|perchen.
Kannẏs kannẏat idaỽ trỽẏ gẏureith
teỽi tra vo ẏ dadẏl oll. Llẏssu tẏston
a|uẏd mal ẏ dewisso ẏ|tauotẏaỽc. Ae
trỽẏ alanas o|e|bleit e|hun. Ae trỽẏ
alanas o|bleit ẏ|perchen. Kẏnnẏs ẏn
eu herbẏn ell deu ẏ tẏstẏr. NY|dẏlẏir
rỽẏmaỽ vn dadẏl trỽẏ tẏstolẏaeth ar
wallaỽgeir heb ganhat ẏ|brenhin o|r
a|berthẏno idaỽ dirỽẏ na chamlỽrỽ am
| « p 95 | p 97 » |