BL Cotton Cleopatra MS. A XIV – page 58r
Llyfr Cyfnerth
58r
fer o da or pryt pỽy gilyd yr llofrud ae tir y
brenhin bieu. Galanas tayaỽc brenhin a
telir o teir bu a| thri ugein mu gan tri dyrch ̷+
auel. Yn| y sarhaet y telir teir bu a thri uge ̷+
int aryant. Galanas tayaỽc breyr hanher+
aỽc uyd ar alanas tayaỽc brenhin. Ac y·uelly
am y sarhaet. Galanas alltut brenhin.
a| telir o teir bu a| thri ugein mu heb dyrch ̷+
auel. Y sarhaet a| telir o teir bu heb achwanec.
Galanas alldut breyr hanheraỽc uyd ar al ̷+
anas alldut brenhin. Galanas alldut tay ̷+
aỽc hanheraỽc uyd ar alanas alldut breyr.
Ac uelly am y sarhaedeu herwyd eu galanas.
Punt a hanher yỽ galanas caeth telediỽ.
or byd anauus hagen neu ry hen neu ry ieu ̷+
anc nyt amgen llei noc ugein mlỽyd punt
a| tal or henuyd or tu draỽ yr mor. Ac or hen ̷+
uyd or tu yma yr mor heuyt punt a| tal.
kanys e| hunan a lygrỽys y ureint nyt am ̷+
gen no mynet yn gyflogỽr oe uod. Or tereu
dyn ryd dyn kaeth talet deudec keinhaỽc
| « p 57v | p 58v » |