Breudwd Welsh Prose 1300-1425
Cymraeg

BL Cotton Titus MS. D IX – page 67r

Llyfr Blegywryd

67r

namyn merch; y verch a|vyd etiued o|r holl tir.
O|R byd y berchennaỽc tir etiued deduaỽl
ac arall anneduaỽl. y deduaỽl a|uyd etiued
o|gỽbyl. a|r anneduaỽl heb rann. O|R byd y
berchennaỽc tir. etiued dianaf. ac arall an  ̷+
afus. megys dall. neu vydar. neu gruppul.
Y dianaf a|vyd etiued o|r holl tir. na|dedua  ̷+
ỽl vo. nac anneduaỽl. kanny dichaỽn neb
annafus wneuthur yn gỽbyl wassanna+
eth tir y|r brenhin yn dadleueu. a|lluydeu.
ac o|r byd y|r etiued annafus hỽnnỽ. etiu+
ed dianaf. hỽnnỽ a|uyd etiued o|e|dylyet ef.
Pỽy|bynnac a|gymero dylyet dyn anna+
fus o|tir. pryderu yr annafus hỽnnỽ a|or  ̷+
uyd arnaỽ o vỽyt. a|dillat ytra|vo|byỽ.
O |R gomed dyn teir gỽys o|bleit y  ̷
brenhin am|tir. ac na|del y|atteb
y|r neb a|e gouynno. yr haỽlỽr a|do+
dir y|medyant ohonaỽ. Os achaỽs kyur+
eithaỽl y|trigyaỽd ynteu. heb dyuot. ef
a|geiff oresgynn. Os tremygu a|wnna ef
y|gyntaf. a|dyuot y|r eil. neu y|r|tryded.
y|gyniuer gỽys a|trymycco. y|gyniuer
camlỽrỽ tal y|r brenhin. ac eissoes ny dy  ̷ ̷+
gỽyd o|e|dadyl. namyn os kyureith a|e
barnn idaỽ atebet. Ny|chyll neb y|tir