BL Cotton Titus MS. D IX – page 70v
Llyfr Blegywryd
70v
ỽyt drostunt. Pan gaffer moch y|myỽnn
yt kynn y|vot yn|aeduet. neu y|myỽn gỽe+
irglaỽd. o|r ymchoelant y|rei hynny; ta+
ler pedeir keinnaỽc kyureith drostunt
nac vn a vo na lliaỽs ygyt achaỽs ago+
ri daear. ac velly ym|pob tir a|waharder
racdunt os agorant.
R wg llys a|llann. naỽ nieu y|rodi
atteb. a|naỽ y|rodi mach. a|naỽ
y|rodi gỽir. o|r haỽl deissyuedic.
Haỽl yn vn gantref. tri dieu
y|rodi atteb. a|tthri y|rodi mach. a|thri
y|rodi gỽir. Ynn|y cantref nessaf. pum
niheu y|rodi atteb. a|phob* y|rodi mach.
a|phump y|rodi gỽir. Ynn|y cantref try+
dyd; naỽ nieu y|rodi atteb. a|naỽ y|rodi ̷ ̷
mach. a|naỽ y|rodi gỽir. Oet arwaess+
af yn vn gymỽt. neu yn gantref. tri
dieu. Os yn arglỽydiaeth arall; yn|a+
gos; naỽ nieu. ac ny dodir teruynn ar
duỽ sul. na duỽ llun. Oet arwaessaf
yg|gỽlat arall; neu am|dỽfyr maỽr. nev
am lanỽ. pytheỽnos ac nyt mỽy. Pe+
tỽar agkyuarch gỽr ynt. Y|varch. a|e
arueu. a thỽnc y|tir. a|e|wynnebỽerth.
NYt oes ym|pob dadyl onnyt petỽar
| « p 70r | p 71r » |