Cardiff MS. 1.363 (Hafod 2) – page 156r
Brut y Brenhinoedd
156r
o|y karyat enteỽ. Ac gwedy gwelet o ffro+
llo yr ry dygwydaỽ ef en er ran gwaythaf o|r
ymlad. en|e lle adaỽ e maes a orỽc ac y gyt
ac echydyc o|y nyỽer ffo hyt em parys. ac e+
no kynnỽllaỽ attaỽ y waskaredyc pobyl
a chadarnhaỽ e kaer. a mynnỽ eylchwyl y+
mlad en erbyn arthỽr. A hyt tra ydoed en
mynnỽ angwhanegỽ a chadarnhav y lw o kanhwrthwy
y kymydogyon en dyrybvd e deỽth arthỽr
a|e lw ae gwarchay enteỽ en|e dynas. Ac|g+
wedy llythraỽ mys heybyaỽ a dolỽ+
ryaỽ o ffrollo gwelet y pobyl en aballỽ
o newyn. gorchymyn a gwnaeth y arthỽr
dyỽot ell deỽ y ymlad. ar hỽnn a orffey o+
nadvnt kymerey kyỽoeth e llall hep lad
nep oc eỽ gwyr. Gwr maỽr y twf oed ffr+
oll a|e ankerd a|e glewder a|e kedernyt. ac
o achaỽs ymdyryet yr nerthoed henny ed
archassey ef y arthỽr dyỽot y neylltỽedyc
ymlad ac ef kan tebygỽ kaffael fford yech+
yt o henny. Ac gwedy mynegy henny y ar+
thỽr llawen wu kanthaỽ. ac en e|lle anỽon
| « p 155v | p 156v » |