Cardiff MS. 1.363 (Hafod 2) – page 186r
Brut y Brenhinoedd
186r
saysson hyt en Germany y kynnvllaỽ eno e llw
mwyhaf a kaffey en porth ydav. ac|adaỽssey ro+
dy er saysson er rann honno o|r enys o aỽon hvmyr
hyt en escotlont. a chymeynt ac|wuassey eydvnt
hors a heyngyst kyn no henny. Ac wrth henny ch+
eldryc a deỽth ac wyth kan llong kanthav en ll+
awn o wyr arỽavc o|r paganyeyt a gvrhav yr
bradwr hvnnv a wfydhav megys y vrenyn. Ac
neỽ daroed ydaỽ kytymdeythokaỽ attaỽ er esco+
ttyeyt. ar ffychtyeyt. a phavb o|r wypey cassav
onadvnt y ewythyr. hyt pan yd|oedynt oll o ey+
ryf pedwar vgeyn myl er·rwng crystonogyon a
phaganyeyt. Ac odyna ar nyver hvnnỽ kanthav
ef a deỽth hyt en aber themys e lle ed oedynt ev llo+
ngheỽ en dyskynnỽ. Ac gwedy dechreỽ ymlad ef
a gwnaeth aerỽa ỽaỽr onadvnt en dyỽot yr tyr. ka+
nys ena y dygwydassant. Aravn vap kynvarch bre+
nyn escotlont. Gwalchmey. Ac en ol araỽn y de+
vth oweyn vap ỽryen en vrenyn en reget e gwr
gwedy henny a wu clotỽaỽr en llawer o kyvrang+
heỽ. Ac o|r dywed ket|bey trwy lafỽr maỽr gwedy
kaffael e tyr onadvnt wynt|kan talv ev hayrỽa
a kymellassant medraỽt a|e lw ar ffo. kanys o wastat
| « p 185v | p 186v » |