Cardiff MS. 1.363 (Hafod 2) – page 45r
Brut y Brenhinoedd
45r
yn hygar anrydedỽs megys yd oed amlỽc y ỽot
yn well noy holl ỽrodyr kyn noc ef. ac na choffeyt
keỽey elydyr rac dahet arglwyd oed peredỽr. Ac
eyssyoes kany wuyr agheỽ arbet y nep. hy a de+
ỽth o deyssyỽyt redec ac|a dỽc peredỽr o|r wu+
ched honn. Ac yn|y|lle yna y kymerwyt elydyr o|y
carchar. ar trydedweyth yd ỽrdwyt ef yn ỽren+
yn. Ac gwedy trewlyaỽ o·honaw holl amser y wu+
ched ef trwy holl daeony a yaỽnder a gwyryo+
ned o|r wuched honn yd aeth kan adav agrheyfft
gwarder y paỽb o|r a delhynt yn|y ol yntev.
AC gwedy marỽ elydyr war y|deỽth Rys v+
ap Gorvynyavn yn vrenyn. a|e ewythyr
a|evelychvs ef o synnwyr a phrỽder a do+
ethynep. A pheydyaỽ a wnaeth ef a chreỽlonder
ac erlyn gwyryoned a|thrỽgared yn y pobyl. Ac
eyryoet ny chyỽeylyornes y gan lwybyr ya+
ỽnder a gwyryoned. AC gwedy Rys y devth
margan ỽap arthal yn ỽrenyn. A hỽnnỽ o dysc
y ryeny a wnaeth yavnder ac a eglỽrỽs kened+
yl brytaen o weythredoed da. AC yn|y ol ynteỽ
y|d·evth eynnyaỽn y ỽraỽt. a phell y ỽrth an+
nwydev y ỽraỽt wu hvnnỽ yn llywyaỽ y pobyl
| « p 44v | p 45v » |