Cardiff MS. 1.363 (Hafod 2) – page 63v
Brut y Brenhinoedd
63v
y lad. Ac wrth hynny y gelwyr y lle honno yr hynny
hyt hediw porth hamỽnt. Ac yn hynny Gloew ke+
ssar gwedy ymkynnỽllaỽ y kytemdeythyon attaw
a|dechrewys eylweyth ymlad a chaer perys yr hon
a elwyr yr avr hon porth cestyr. Ac|gwedy kaff+
ael y dinas a gwaskarỽ y niỽeroed erlyt Gweyryd
a orỽc hyt yg kaer wynt a damkylchynỽ y dynas
ac y gyt ac amraỽalyon peyryanheỽ ymlad ar
dynas. a choyssyaỽ* y dywreydyaỽ a|e chywarssa+
ngỽ. Ac|gwedy gwelet o Weyryd gwarchae y dyn+
as arnaỽ. kyweyryaỽ y lỽ a orỽc ynteỽ trwy ỽyd+
ynoed ac egory pyrth y dynas a wnaeth a mynet
y maes o|r dynas ac arỽaethỽ rody kat ar ỽaes ỽ+
dỽnt. Ac gwedy gwelet o Gloeỽ kessar wynt en
arỽaessỽ ac yn darmerthỽ kat ar|ỽaes. anỽon k+
ennadeỽ a orỽc at Weyryd ac erchy tagnheỽed
ỽdỽnt kanys oỽyn oed arnaỽ glewder y brenyn
a dewred a drỽdanaeth y brytanyeyt. Ac wrth
hynny gwell oed kanthaỽ eỽ goreskyn trwy sy+
nhwyr a doethynep no mynet ym pedrỽster br+
wydyr ac ymlad ac wynt. Ac wrth hynny anỽon
a orỽc Gloew kessar at Weyryd ac erchy tagnhe+
ỽed ydaỽ ef yn y wed honn rody merch yr amh+
eraỽdyr yn wreykay Weyryd kan daly enys
prydeyn wrth amherodraeth rỽueyn. Ac
| « p 63r | p 64r » |