Cardiff MS. 1.363 (Hafod 2) – page 75r
Brut y Brenhinoedd
75r
prydeyn a|e theylygtavt a thalv o·honav yntev e
gossodedyc teyrnget y sened rvueyn. Ac gwedy k+
ennattav henny y constans ef a kymyrth hynny
en llawen. ac ar rodes hedvch a taknheved ydav
adan er amvot hvnnv. ac ar henny gwystlon a ky+
myrth a chadarnhav tangheved er·rygthvnt
Ac gwedy espeyt mys clefychv a wnaeth koel o
orthrvm heynt ac o hvnnv e bv varv kynn penn er
wythnos. Ac gwedy marv koel e kymyrth consta+
ns coron e teyrnas. ac e kymyrth vn verch oed y
coel en wreyc ydav. Ac e sef oed honno Helen llwy+
davc. Pryt honno hagen a|e theledywrwyd ny
cheffyt en er enyssed en|y chylch a|e kyffelyppey.
nac er espaen nyt oed ereyl a|ỽey kyn teket a
hy. Ac y gyt a henny hevyt nyt oed er eyl a vey
kyn doethet a hy e kylvydyt e mvssyc ar kelvy+
dodeỽ ryd a hy. kanys nyt oed o plant o|y that
namyn hy e|hvnan. Ac|vrth henny e mynnvs enteỽ
dyscv ydy hy e kelvydodev hyt pan vey doethach
e galley hythev llywywav e kyvoeth gwedy ef. Ac
gwedy kymryth o constans honno eg kytemde+
ythas y wely ef a anet map ydav o·honey. ac esef
oed hvnnv Cvstennyn vap helen. Ac odyna em pen
| « p 74v | p 75v » |