BL Harley MS. 4353 – page 10r
Llyfr Cyfnerth
10r
gan y brenhin. A modrỽy eur y gan y vren ̷+
hines pan rother y sỽyd idaỽ. A|r telyn ny
at byth y| gantaỽ. Uard* teulu. Gostecgỽr.
Distein brenhines. Dryssaỽr neuad. Drys ̷+
saỽr ystauell. Gỽastraỽt auỽyn. Canhỽ ̷+
yllyd. Trullyat. Coc. Troedaỽc. Med ̷+
yd. Sỽydỽr llys. Medyc. Morỽyn ysta ̷+
uell. Gỽastraỽt auỽyn brenhines. Y pym ̷+
thec hyn yssyd vn vreint. Ac vn vreint eu
merchet. Yn sarhaet pop vn o hynny y te+
lir whe bu a whe vgeint aryant. Galanas
pop vn o·honunt a telir o whe bu a whe
vgeint mu gan tri drychafel. Ebediỽ pop
vn o·honunt; yỽ wheugeint. A whe vge ̷+
int yỽ gobyr merch pop vn o·honunt.
Punt a hanher yn| y chowyll. Teir punt
y hegỽedi. O|r a merch vn o|r pymthec hyn.
yn llathrut heb rod kenedyl; whech eidon
kyhyt eu kyrn ac eu hyskyfarn uyd eu he ̷+
gỽedi. Vn vreint a hynny yỽ merch pop
gỽr ryd a el yn llathrut.
O|R a dryssaỽr neuad mỽy no hyt y
vreich a|e wyalen y ỽrth y drỽs gỽedy
yd el y brenhin y|r neuad; o|r serheir yno.
ny diwygir idaỽ. O|r llud y dryssaỽr neu y
| « p 9v | p 10v » |