BL Harley MS. 958 – page 19v
Llyfr Blegywryd
19v
1
honunt. baed kenuein. Ac ar·benhic
2
kenuein. A hỽch a gatwer ẏ|ghẏfeir gỽest+
3
T eir ford ẏ dẏwedir gỽy +[ ua brenhin.
4
bẏdẏeit am tir vn ẏỽ henurẏeit gỽ+
5
lat ẏ|ỽẏbot ach ac etrẏt. ẏ dỽẏn dẏn ar dẏ+
6
lẏet tir ẏ·gẏt a e gereint. Eil ẏỽ amhino+
7
geu tir. nẏt amgen gỽr o|pop rantir o|r tref
8
ẏ ỽẏbot ranneu a finẏeu rỽg ẏ gỽelẏgord
9
Trẏdẏd ẏỽ meiri a|chẏgheỻorẏon ẏ gadỽ
10
teruẏneu ẏ kẏmẏdeu. kanẏs brenhin bi+
11
eu ẏ teruẏneu. hẏnnẏ. Tri pheth a|geidỽ
12
cof ac a seif ẏn ỻe tẏston ẏ dẏn ar ẏ dẏlẏ+
13
et o tir. ỻe. hen o·dẏn neu pentan·uaen.
14
neu eskẏnuaen. Y tri dẏn ẏ telir gỽeli
15
tauaỽt. ẏ vrenhin pan dẏwetter geir ha+
16
gir ỽrthaỽ. Ac ẏ vraudỽr pan ỽẏstler ẏn|ẏ
17
erbẏn am iaỽn varn os ef a|e kadernha. Ac
18
ẏ effeirat ẏn|ẏ eglỽẏs ẏn|ẏ teir gỽẏl ar+
19
benhic. neu rac bron ẏ brenhin ẏn darỻein
20
ỻẏthẏr neu ẏn|ẏ hẏscriuennu. Tri chowẏ+
21
ỻaỽc ỻẏs ẏssẏd. kerỽẏn ved. A bragaỽt. A
22
chathẏl. kẏn eu dangos ẏ|r brenhin. Tri
23
dẏn a|geidỽ breint ỻẏs ẏn absen ẏ brenhin
24
effeirat teulu. A distein. A braỽdỽr ỻẏs.
25
pẏ le bẏnhac ẏ bỽẏnt ẏghẏt ẏno ẏ bẏd
26
breint ỻẏs. Tri datsaf gỽaet ẏssẏd. gwaet
| « p 19r | p 20r » |