Oxford Jesus College MS. 119 (The Book of the Anchorite of Llanddewi Brefi) – page 67r
Ystoria Lucidar
67r
A ninhev heuyt ochennedir yn uuchedoccau yn|y
gỽassannaeth ỽy. Ac am y|rei gỽiryon oll y|dyỽe+
dir. ỽynt a|vydant gyffelib yr engylyonn. me+
gys weithon pei delei brenhin heibyaỽ a|gỽelet
ohonaỽ dyn gỽann yn gorỽed yn|y dom. A|pheri
y|dyrchauel a|e olchi a|e wisgaỽ o|e dillat e|hun.
A|e gymryt yn vab idaỽ. A rodi brenhinaeth yn
tref tat idaỽ. Velle pann ỽeles duỽ ninheu yn
llỽch pechaỽt yn dyrcheuis y|vynyd drỽy ffyd.
Ac yn golches o dỽfuyr y|bedyd. a dodi enỽ y|te+
ilyngdaỽt e|hun arnaỽ. An gỽnneuthur yn
ettiuedyon ar|y|deyrnnas. Megys y|dyỽedir.
Y ssaỽl a|e kymerth ef a|rodes medyant vdunt
y vot yn veibon y|duỽ. A hynny yr neb a|gretto
yn|y enỽ ef. A chyt caffo vn gogonnyant yn
ragoraỽl rac arall herỽyd y gobrỽyeu. eissoes
paỽb a|gaffant vn ty y|tat o|nef kyt boet am+
rauel gyfuannhedev. Yr vn kyfuloc hagen a
gaffant o edrech ar duỽ. a chetymeithas yr eg+
ylyon. O anryded y seint. Anryded Joseph a|vy+
dei amarch gantunt ỽy. Awi o|r anryded a|ga+
ffant ỽy. pann vo duỽ e|hun yn|y anrydedu.
megys y|veibon. Ar engylyon yn|y perchi me+
gys tyỽyssogyon. Ar holl seint yn|y hanryde+
du megys dỽyỽeu. Dylyet yỽ ar duỽ peri
| « p 66v | p 67v » |