Oxford Jesus College MS. 57 – page 15
Llyfr Blegywryd
15
y brenhin a|e|ffuoleu. a hynny kynn rannu y
crỽyn rỽng y brenhin a|r kynydyon. Croen
ewic heuyt a|geiff y gan y kynydyon ereiỻ pan
y harcho o|hanner chwefraỽr hyt wedy yr wyth+
nos gyntaf o|vei. Distein a|geiff kymeint a|rann
deu·wr o aryant y gỽastrodyon. ac ef o gyfreith
a|geiff medyant yn|y gegin a|r vedgeỻ. ac ef
bieu gossot bỽyt y brenhin. seic vch ỻaỽ. a|seic
is ỻaỽ. yn|y|teir|gỽyl arbennic. a heilyaỽ ar y
brenhin ac y dwy|seic. Ef a|geiff manteỻ y pen+
teulu ym|pob vn o|r teir|gỽyl arbennic. ac ef
a|geiff kyhyt a|e vys perued o|r kỽryf y ar y gỽad+
aỽt. ac o|r bragaỽt hyt y kỽgyn perued ar yr vn
bys. ac o|r med hyt y kỽgyn eithaf. Y neb a|wnel
cam y|nghynted y neuad. os y|distein a|e deila.
traean y|dirỽy neu y camlỽrỽ a|geiff. ac ueỻy
heuyt os is y kynted y deila. Ot ymlad deu o|r
sỽydogyon yn|y ỻys. y distein a|geiff traean eu
dirỽy. Y distein bieu kadỽ traean y brenhin o|r
anreith. a|phan y defnydyo ef a geiff buch neu ych
| « p 14 | p 16 » |