Oxford Jesus College MS. 57 – page 237
Llyfr Blegywryd
237
y|r amdiffynnỽr y|medyant a|r warchadỽ o
hynny aỻann. ~ ~ ~ ~ ~ ~
O Deruyd y dyn pan holer yn|dadleu
am tir a|daear dywedut na|wnel iaỽn.
a|thystu o|r haỽlỽr y|r|arglỽyd a|e yngneit a|e wyr+
da. na wadaỽd y haỽl. a|e vot yn|dreisỽr a galỽ
am vraỽt. Yna y mae iaỽn o|r|godef y vraỽt yn|y
maes arnaỽ. y diuarnu yn|dragywydaỽl o|e
warchadỽ. Os adaỽ y maes a|wna ynteu yn ang+
hyfreithaỽl y diuarnu yn oes yr arglỽyd bieiffo
yr orsed honno. kanyt eing ym bro ny rodho
gỽir. Pa amdiffynnỽr bynnac a|safo ganthaỽ
gynghaỽs a chanỻaỽ. ac ef e|hun yn drydyd. a
cheissyaỽ oet ỽrth borth ohonaỽ ny dyly y gaffel.
kanys hynny o dynyon yỽ y porth kyfreitha+
ỽl. Ny dyly kynghaỽs sefyỻ na chanỻaỽ y·gyt
a neb am haỽl a|vo ỻei no chywerthyd tri ugeint
neu am tir a daear. a march ac eidon. Ryd vyd
ac|ỽy teruynu bop amser. Nyt caeedic kyfreith. am
tir eglỽys un amser y·ryngthunt oe hun. kany
henyỽ oc an kyfreith. ni. O|r holant ỽy nini. neu nin+
neu
| « p 236 | p 238 » |