NLW MS. Llanstephan 27 (The Red Book of Talgarth) – page 178r
Gwyrtheu Mair
178r
gỽr kymeredic gan duỽ. a|hỽnnỽ a elwis yn ganhorthỽy idaỽ.
rickert tywyssaỽc bỽrgỽin. ac ebal Jarỻ peitaỽ. Neur ossodas+
sei eissoes y obeith a|e o·uanac yng|kanhorthỽy duỽ a|meir y
uam yn vỽy noc yn nerth dynyon. a dyuot a|oruc heuyt hyt
y|ỻe yd oed drysor a|thlysseu yr eglỽys. Nyt amgen peis y
wynvydedic ueir a|oed yn|yr amser hỽnnỽ yno. ac a getwit
yna gan vỽyaf anryded. ac o achaỽs yr anghenreit oed ar+
naỽ a|gymerth gỽalchelin. A gỽedy hardhau ohonaỽ y
leif o|r gyssegredic wisc honno. yr esgob a gerdaỽd yn|y vla+
en a|r arỽyd arderchaỽc hỽnnỽ. ar|gyffelybrỽyd ystondard
brenhines nef. a|phaỽp o|r ỻu yn|y ol ynteu yn vydinoed
a|chan alỽ dỽywaỽl ganhorthỽy gan hoỻ ymdiret ef a
gyrchaỽd y dinas. ac ny diffygyaỽd dỽywaỽl nerth udunt.
Yn|y ỻe pan yttoed y ỻu gelynaỽl yn|ymbaratoi yn erbyn
yr esgob yn vydinoed y trewit o deỻi yn dỽywaỽl ac ỽy ac eu
tywyssaỽc. hyt na wydynt na pha|du yd eynt na pha|beth
a|wneynt. A|phan adnabu ỻu carnotỽm hynny. dechreu a|o+
rugant ỽynteu ỻad ỻawer. brathu ereiỻ ohonunt. yr hynn
ny rengis bod nac y|r arglỽyd nac y|r arglỽydes ueir. ual y
bu amlỽc wedy hynny. kanny orffoỽyssei lu carnotỽm o ta+
raỽ a phoeni y rei a|oedynt boenedic gan duỽ a|r|wynuyde+
dic ueir y difflannaỽd y beis. ac ueỻy y dianghyssant y
gelynyon gỽedy caffel eu golỽc. ac o|hynny y rodir dyaỻ
na dyly neb o|r dynyon cludaỽ braỽt dynaỽl yn|y ỻe y bo
duỽ e|hun yn|dangos y vraỽt.
E f a|damchweinaỽd gynt bot abat ym|manachlaỽc o
lunei ual y darỻeir yn|y vuched ef. a|e vynet gyt a|e
| « p 177v | p 178v » |