NLW MS. Llanstephan 27 (The Red Book of Talgarth) – page 72v

seis y·rỽng yr elin honno a|bon y prenn yn diannot ef a

vyd marỽ. ac os kymro a|a yno ny henvyd gỽaeth. A|gỽedy

trigyaỽ beuno yno ar dalym o amser y gedewis tref y dat

ac y kerdaỽd racdaỽ hyt att vaỽn uab brochuael. a hỽnnỽ

a|e herbynnyaỽd ef yn garedic ac yn uonedigeid. o achaỽs y

gyueiỻyach a|e haelyoni a|e ufuỻtaỽt yng|gorchymynneu

duỽ. Ac yna y rodes maỽn dros y eneit ef ac eneit y dat a+

berriỽ y duỽ a|beuno. a dydgỽeith ual yr oed beuno yn|gorym+

deith geyr·ỻaỽ auon hafren yng|kylch y yt. nachaf y clyỽei

o|r tu araỻ y|r auon ỻef seis yn annoc y gỽn yn hely ysgyf+

arnaỽc. Sef y dywedei y seis o hyt y benn. kergia. kergia. sef

oed hynny yn|y ieith ef annoc y gỽn. A|phan|gigleu beuno

lef y seis. ymchoelut yn|diannot a|oruc drachefyn att y dis+

gyblon. a dywedut ỽrthunt. Gỽisgỽch ymdanaỽch aỽch diỻ+

at vy meibyon i. a|ch archenat. ac adaỽn y ỻe hỽnn. kened+

yl y gỽr anghyfyeith a giglef|i y lef y tu draỽ y|r auon yn an+

noc y gỽn a|oresgynnant y ỻe hỽnn ac a|vyd eidunt. ac a|e

kynhalyant dan eu medyant. Ac yna y dywaỽt beuno

ỽrth un o|e|disgyblon. Bithỽlint oed y enỽ. vy mab i heb ef

byd ufud ym mi a|vynnaf drigyaỽ ohonat ti yma a|m

bendith i y·gyt a|thi. ac adaỽ gennyt a|wnaf croes a|wneu+

thum i. A chymryt bendith y athro a|oruc y disgybyl hỽnnỽ

a thrigyaỽ yno. Beuno a|doeth ef a|e disgyblon hyt ym mei+

uot. ac yno y trigyaỽd ef y·gyt a|thyssilyaỽ sant deugein

nieu a|deugein nos. Ac odyna|ef a|doeth hyt att gynan uab

brochỽel. ac a|erchis idaỽ le y wediaỽ dros y eneit a|e|gyfeiỻyon.

Ac yna y rodes y brenhin idaỽ gỽydelwern. y ỻe a|gafas y enỽ