NLW MS. Llanstephan 27 (The Red Book of Talgarth) – page 81v
Ystoria Adda
81v
1
ffizon. tizon. tigris. euffrates. ac ar y ffynnaỽn honno y
2
gỽeles ef prenn maỽr. a cheingeu maỽr idaỽ a|deil. ac ef
3
a|doeth yn|y uedỽl ef panyỽ o achaỽs y prenn hỽnnỽ y tỽyỻ+
4
ỽyt y dat ef a|e vam. kanys o achaỽs y pechaỽt dros y gỽa+
5
hard ny dylyynt ỽy vỽyta ffrỽyth y prenn. Odyna y doeth
6
ef dra|e|geuyn att yr angel. a|datkanu idaỽ a|oruc yr hynn a
7
welsei. a|r angel a|erchis idaỽ ymchoelut dra|e|gevyn y welet
8
a vei vỽy. ac ynteu a doeth dra|e gevyn. ac a|weles sarff aru+
9
thyr cribdeilyaỽdyr yng|kylch y prenn. ac ual y gỽeles. ary+
10
neic maỽr a|gymerth yndaỽ racdi. a|dyuot dra|e|gevyn a|o+
11
ruc. a|r angel a|orchymynnaỽd idaỽ yna hyspyssu a|synhỽ+
12
yryaỽ yn ystyryaỽl. ac ynteu a|e gỽnaeth. ac a|dodes y benn
13
o vyỽn y drỽs. ac ef a|welei yng|goruchelder y prenn megys
14
mab newyd eni gỽedy y droi y myỽn diỻat plygyedic. ac
15
ef a|weles trỽy wreid y prenn teir ffenestyr trỽy berued y
16
daear hyt yn uffern. ac yno yr adnabu ef eneit abel y
17
vraỽt. Odyna yd ymchoelaỽd ef y·dan chwerthin. a datka+
18
nu y|r angel yr hynn a|welsei. ac yna y dywaỽt yr angel ỽrth+
19
aỽ. Y mab a|weleist di. hỽnnỽ oed mab duỽ yr hỽnn a|burhaa
20
pechodeu dy rieni di. ac a|daỽ pan del amser hỽnnỽ yỽ y ỻy+
21
gat a|r naỽd. a|r drugared a|edewis duỽ y|th dat ti adaf yr
22
hỽnn a rydhaa ef a|r neb a|del ohonaỽ. Odyna y|dywaỽt yr
23
angel ỽrthaỽ. kymer di y tri gronyn hynn o geudaỽt anal*.
24
a da y gaỻei y rei hynny vot o|r prenn gỽahardedic. a
25
dot ỽynt dan dauaỽt dy dat pan vo marỽ. kanys ef a|vyd
26
marỽ kynn penn y trydyd dyd gỽedy delych attaỽ. ac heb
27
ohir gỽedy dywedut hynny o|r angel ỽrthaỽ. y mab a ym+
| « p 81r | p 82r » |