NLW MS. Llanstephan 4 – page 41r
Purdan Padrig
41r
kanys pan yttoedỽn i yn|y wlat honno
ef a doeth attaf kynn pasc gỽr oedaỽc
moel gỽedy dygỽydaỽ y waỻt o heneint
ac ar·lescu yn vaỽr. ac a|dywaỽt na chy+
merassei ef eiryoet rinwedeu corff
crist a|e waet. ac yn|y dyd hỽnnỽ. nyt
amgen y dyd nessaf y|r pasc y myn+
nei ef y gymryt. A chan gỽelei ef vy
mot i yn vynach ac yn offeiryat y
mynnaỽd ef amlyckau ymi y vu+
ched trỽy gyffes hyt pan allei ef
nessau ar rinwed corff crist yn dio+
gelach. a channyt atwaenat ieith
y wlat honno; mi a|gymereis y
gyffes ef trỽy gyfyeithyd. a|phan yt+
toed ef yn gỽneuthur teruyn ar y
gyffes. Minneu a|ovynneis idaỽ ef
a ladyssei ef dyn eiryeot. Ynteu a
attebaỽd ac a|dywaỽt na wydyat ef
yn hyspys a|ladyssei mỽy no phum
nyn e|hunan ac an·ysturyaỽ a|ladys ̷+
sei. ac megys nat oed argywedus ef
yr hynny mor vychan a|ladyssei; yn+
teu a vrattaassei lawer ac ny wydyat
a vuassynt veirỽ o hynny ae ar na bu+
assynt. Efo a debygei nat aei yng|kyfyr ̷+
goỻ
| « p 40v | p 41v » |