NLW MS. Llanstephan 4 – page 43r
Purdan Padrig
43r
ỻe yr eglỽys a|elwir berỻys.
G wedy marỽ padric sant yd oed
greuydwr da yn brior yr eglỽys
honno gỽedy ỻesgu o|heneint. ac nat|oed
vn dant yn|y benn namyn vn. ac
megys y dyweit gỽynuydedic regor.
Kyt boet iach hen; eissoes gỽann vyd
yn wastat o|e heneint e|hun. Y gỽr hỽnnỽ
a vynnaỽd kyweiryaỽ ystaueỻ idaỽ
geyr ỻaỽ hundy y kanonwr. hyt na
wnaei ef molest y ereiỻ o|e wander a|e
heneint e. Y brodyr ieueingk a|delei y o+
vỽy y|r|henỽr yn vynych o|e garyat a
notteynt dywedut ỽrthaỽ trỽy chỽare
val|hynn. Pa hyt dat y mynny di tri+
gyaỽ yn|y buched honn ymma. neu pa|bryt
y mynny ditheu vynet odyma. Ynteu
a|dywedei val|hynn. Gỽeỻ oed gennyf|i vy
meibyon vynet odymma kyn|no hynn
no|m byỽ ymma val|hynn kannyt oes
ymma ymi namyn trueni; yn ỻe araỻ
amgen mi a|gaffaf o·gonyant maỽr.
Eissyoes ewyỻys duỽ a wneir am·danaf|i
o|m buched. Odyna y kanonwyr a glyỽ+
ynt o|e hundy yn ystaueỻ y braỽt
hen engylyon yn canu yn wastat yn|y
gylch ef
| « p 42v | p 43v » |