Breudwd Welsh Prose 1300-1425
Cymraeg

NLW MS. 3035 (Mostyn 116) – page 143v

Brut y Tywysogion

143v

brenhin powys yn rufein. ac y bu varỽ Jonathal tywysaỽc aber
geleu. Trugein mlyned. ac ỽythgant. oed. oet. crist. pan yrrỽyt katweitheu
ymdeith. ac y bu varỽ kynan nant niuer ac y diffeithaỽdỽyt
kaer efraỽc yg|kat dubkynt. Deg mlyned a|thrugein ac
ỽythgant. oed. oet. crist. pan vu kat kryn* onnen. ac y torret caer
alclut y|gan y|paganyeit. ac y|bodes gỽgaỽn ap meuryc bren+
hin ceredigyaỽn. ac y bu weith bangoleu a gỽeith enegyd
y|mon. ac y|bu varỽ. meuryc escob bonhedic. ac y kymerth
lỽmbert escobaỽt vynyỽ. ac y|bodes dỽngarth vrenhin ker+
nyỽ. ac y|bu weith duỽ sul y|mon. ac y|ỻas rodri a|gỽryat y
vraỽt y gan y|saeson. ac y|bu varỽ aed vab meỻt. Petwar
vgein mlyned ac ỽythgant. oed. oet. crist. pan vu weith conỽy y dial rodri
o duỽ. ac yna y bu varỽ katweitheu. ac y|bu varỽ hywel yn
rufein. Deg|mlyned a|phetwar|ugein ac ỽythgant. oed. oet. crist.
pan vu varỽ subni y doethaf o|r yscotteit ac yna y doeth y|nor+
manyeit duon eilweith y gasteỻ baldwin. ac y bu varỽ heinuth
vab bledri. ac yna y deuth anaraỽt y diffeithaỽ keredigyaỽn ac
ystrattywi. ac yna y|diffeithaỽd y|normanyeit loegẏr. a|brechei+
noc a|morganỽc a gỽent a bueỻt gỽnỻỽc. Ac yna y dyfygyaỽd
bỽyt yn iwerdon. kanys. pryfet o|neff a dygỽydaỽd ar weith
gỽad a deu|dant y pop vn. a|rei hẏnẏ a vỽytaaỽd yr hoỻ ẏm+
borth. a|thrỽy vn·pryt a gỽedi y|gỽrthladỽẏt. ac yna y bu varỽ
elstan vrenhin y|saeson. ac aluryt vrenhin i·wys. Naỽ cant