NLW MS. 3035 (Mostyn 116) – page 8r
Ystoria Dared
8r
yna ỽynt a|wnaethant agamemnon yn amheraỽdyr
ac yn dywyssaỽc arnunt ac elchwyl yd anuonassant ỽy
genadeu y|hoỻ roec y erchi y baỽb dyuot a|e ỻyges ac|a|e
ỻuoed gantunt yn gyweir ac yn baraỽt y borthua antinoes
val y|geỻynt hỽy dyuot odyno kerdet ygyt y|droea y
dial eu kywilid a gỽedy clybot o gastor a|pholux yr dỽyn
elen eu|chwaer y·veỻy kyrchu eu ỻogeu a|wnaethant hỽy
a|e hymlit hyt yn troea. a gỽedy y|kychwynu hỽy o draeth
lepseus o dryc·dymhestloed y|ỻygrỽẏt hỽy hyt nat ym+
dangossasant hỽy byth. sef y|bu yn gredadỽy gỽedy hẏnẏ
eu gỽneuthur hỽy yn dỽyweu heb y|marỽ vyth. ac yna
y|keissỽẏt ỽy a ỻogeu odyno hyt yn troea ac ny chauas
y brenhin kynadeu pan doethant atref nac ỽyntỽy na
dim y ỽrthunt. ~ ~ ~
D ared groec yr hỽn a|yscrifenỽys istoria gỽyr troea
a|dywaỽt ry|uot ohonaỽ ef yn|y ỻud hyt pan ga+
hat troea a gỽelet ohonaỽ ef y|tywyssogyon hyn|yma
pan vei dagned a|chygreir yrỽg gỽyr troea a gỽyr goroec
a|ry|uot ohonaỽ ef weitheu yn|y hymladeu hỽy a|ry gly+
bot ohonaỽ ef gan wyr goroec pa ryỽ bryt a|pha ryỽ
anyan a oed yrydunt ỽy. Yn gyntaf y|traethỽn. ni o
wyr goroec. Castor a|pholux pop vn a|oed kyffelyb y gilyd molyannus pryt
o|waỻt pengrych melẏn a ỻygeit maỽr ac ỽyneb tec. da
y|furyf. a|chorf hir vnyaỽn. Elen vanaỽc y|chwaer oed
gyffelyb vudunt hỽy tec oed hi ac vfud y|medỽl ac es+
keirwreic da oed. a|man oed yrỽg y dỽy ael ac am|hẏnẏ
y|gelwit hi elen vanaỽc. a geneu bychan a oed idi. aga+
memnon corf tec maỽr oed idaỽ ac aelodeu greduaỽl
a gỽr kymen kaỻ bonhedic oed kẏuoethaỽc. Menela+
us y|vraỽt brenhined goroec a|oedynt eỻ|deu. Oed
| « p 6v | p 8v » |