NLW MS. 3036 (Mostyn 117) – page 38
Brut y Brenhinoedd
38
O chwi·chwi yr atalwedigyon tyghetueneu; py le
y kerdỽch i dros aỽch gnotaedigyon hynteu. py ach+
aỽs y| kyffroyssaỽch i uiui eiroet y ar vyg guastat
detwydyt. kanys mỽy poen yỽ coffau kyfoeth a| ph+
rytuerthỽch guedy coller. noget diodef aghennoctit
heb ordyfneit esmỽythter kyn no hynny. Mỽy poen
yỽ genhyf yr aỽr hon coffau vyg kyfoeth a|m hen+
ryded. yn yr amser yd oedỽn i damgylchynedic o|r sa+
ỽl can mil o varchogyon yn kerdet y gyt a
mi. Pan uydỽn a|r kestyll ac a|r dinassoed. Ac yn an+
reithaỽ kyfoeth vy gelynyon. no diodef y poen a|r
aghenoctit a wnaeth y guyr hynny imi y rei a uyd+
ynt yna y dan vyn traet. Oi a dỽyeu nef a dayar
py bryt y| daỽ yr amser y| gallỽyf ui talu y| chwyl y+
n| y gỽrthỽyneb y|r guyr hynny. y| rei a| oruc i| minheu
dyuot yn yr aghennoctit hỽn. Och cordeila vyg
karedic verch i mor wir yr ymadraỽd teu di. pan
dywedeisti pan yỽ val y bei vy gallu a|m medyant
a|m kyfoeth a|m ieuegtit pan yỽ uelly y carut ti vi+
ui. Ac ỽrth hynny tra uu vyg kyfoeth a gallu rodi
rodyon. paỽb a|m karei. Ac nyt mi hagen a| gerynt
namyn uy rodyon a|m donyeu. A phan gily+
ỽys y| rei hynny; y kilyassant ỽynteu. Ac ỽrth
hynny vyg karedic verch i. py furyf y| gallaf i rac
kewilyd adolỽyn nerth na chanhorthỽy y| genhyt
ti. ỽrth ry sorri o·honaf| i ỽrthyt ti am dy doethineb
ti. A|th rodi y| ỽr mor tremygedic gan| tebygu bot
| « p 37 | p 39 » |