NLW MS. Peniarth 11 – page 69v

Ac|yna ỽynt a|e|dygassant ef y|r neuad. ac a|e|diarchenassant.

a|gỽedy y diarchenu ỽynt a|dugassant idaỽ diỻat anrydedus o|e

gỽisgaỽ. ac a|barassant idaỽ eisted. ac ỽynteu y·gyt ac ef. ac a|e

didanyssant yny ebryuygaỽd talym o|e dristit a|e dolur. a|phan

yttoedynt ỽy yn ymdidan ueỻy nachaf yn dyuot attunt morw*

ieuanc dec. yn gyn|decket ac na aỻei myỽn anyan dynaỽl o|r

byt bot hanner y tegỽch a|oed yndi. diỻat a|oed ymdanei

hitheu o|r hynn goreu. Ac yna vn o|r marchogyon urdolẏon

a|oed ygyt a|hi a|dywaỽt ỽrth bỽrt. arglỽyd heb ef weldyma

yr vnbennes yssyd arglwydes arnam ni. ac yssyd deckaf a

chyfoethockaf o|r byt a|mỽyhaf yssyd y|th garu ditheu.

ac y|mae y|th aros yr ys talym megys na mynn hi vyth gedym+

deith idi namyn tydi. Pan|gigleu ynteu hynny. ryuedu yn|uaỽr

a|wnaeth a chyfarch gỽeỻ idi. a|hitheu idaỽ ynteu. ac a|eistedaỽd

yn|y ymyl. ac ymdidan ygyt a|orugant am lawer o betheu

yn|gymeint ac yd adolygaỽd idaỽ uot yn gedymdeith caredic

idi. ac os|hynny a|wney di heb hi. mi a|th|wnaf yn|gyuoetho  ̷+

kaf gỽr o|th genedyl. Pan gigleu bỽrt hynny an·esmỽyth vu

ganthaỽ y hynt megys y neb a|vei gas ganthaỽ torri y|diweir+

deb. ac ny wydyat ef yn da pa ryỽ atteb a|rodei ef idi hi. A|hitheu

yna a|dywaỽt. bỽrt heb hi pany|wney di yr hynn a ercheis i.

Arglỽydes heb ynteu nyt oes yn|y byt yr y|chyuoethoket gỽre+

ic y gỽnelỽn yrdi dim o|r|hynn yd ỽyt yn|y geissyaỽ gennyf

ac ny dylyei neb y geissyaỽ y|gennyf yn|y mod yd|wyf|i. kanys

vym braỽt a|las hediỽ. ac yssyd aỻan yn varỽ. Nac edrych di ar

hynny heb hi. kanys angheu yssyd yn peri ymi dy wediaỽ|di.

a phany|bei