NLW MS. Peniarth 12 part ii – page 51r
Ystoria Lucidar
51r
megys y dywedir. ỻawen vyd gỽirion pan welo dial y pecho+
deu. discipulus A wediant ỽy drostunt. Magister Yn|erbyn duỽ oed udunt
pei gỽediynt dros y rei emeỻdigedic. ỽrth hynny vn unolder
ynt a|duỽ. megys y treigyl udunt y vrodyeu ef ym·pop peth.
ac ỽrth hynny ỻawen yỽ ganthunt eu|gỽelet ueỻy. discipulus Ym|pa
uffern yd oed y rei gỽirion kynn dyuot crist. Magister Yn|yr uchaf
yn ỻe kyfagos y|r issaf. ual y gaỻei bop rei o·nadunt gỽelet
y gilyd. a|r rei a|oedynt yno kynny bei boen arnunt ef a
welit udunt eu bot yn uffern. ac ef a|welit yr rei a|oedynt yn
yr issaf. eu bot ỽynt ym paradwys. ac odyna yd erchis y ky+
voethaỽc y lazar bỽrỽ davyn o|r dỽfyr arnaỽ. discipulus Pa ryỽ boen
oed arnunt ỽy yno. Magister Tywyỻỽc* e|hun. megys y dywedir.
Goleuni a tynn y rei a|oedynt yn kyvanhedu teyrnas kys+
gaỽt angeu. ac ereiỻ y myỽn poeneu. wrth hynny y doeth duỽ
pan anet y uffern uchaf y rydhau y rei yd oed gythreul yn
eu ỻethu. odyna pan vu uarỽ yd ysgynnaỽd y uffern issaf
y brynu y keith y gan y gelyn creulaỽn. megys y dywedir.
Arch di y|r rei yssyd yng|karchar vynet ymeith. ac y|r rei yssyd
yn|y tywyỻỽch yn|dangos y mae ef y vot yn galỽ y rei a oed
yn|y poeneu yn garcharoryon. ac yn dywedut bot y ỻeiỻ yn
tywyỻỽch. a|brenhin y gogonyant a|e goỻyngaỽd ac a|e duc
ỽynt y lewenyd ef. discipulus a ymadnebyd yr|eneidyeu yno. Magister E+
neidyeu y rei gỽirion a|adnabydant yr hoỻ rei gỽirion. o
enỽ a|chenedyl. ac eu gobrỽyeu megys pei|bydynt eiryoet
y·gyt. ac ỽynt a|adnabydant eneidyeu y rei drỽc yn gyme+
int ac y gỽybydant pa achaỽs y mae paỽb o·nadunt yno.
a|r rei|drỽc ynteu a|adnabydant y rei drỽc ereiỻ. ac a wybant
| « p 50v | p 51v » |