NLW MS. Peniarth 18 – page 36v
Brut y Tywysogion
36v
1
adam y|gann uaredud benngoch y|geuenderỽ. a
2
hynny trỽy dỽyll ynn|y gỽsc. Ynn diỽed y|ulỽy+
3
dyn honno Mis tachỽeth y|bu uarỽ yỽein gỽy+
4
ned uap gruffud ap kynan tyỽyssaỽc gỽyned.
5
gỽr diruaỽr y|uolyant. Ac anueidraỽl y|bruder.
6
A|e uoned. kedernnyt a|deỽred kymry ynn anor+
7
uodedic o|e uebyt ỽedy anneiryf uudugoly a+
8
etheu. hep omed dyn eiroet o|r arch a|geissei y
9
gantaỽ. Wedy kymryt penyt a chyffes lan. Ac
10
ediuarỽch. A chymun rinỽedeu corff crist. Ac o
11
oleỽ ac aghenn. y|hỽylaỽd y|eneit y|drugared duỽ.
12
Deg|mlyned a|thrugein a|chant a|mil oed
13
oet crist pann ladaỽd dauid ap yỽein hy+
14
ỽel ap yỽein y|braỽt hynaf idaỽ. Y|ulỽy+
15
dyn racỽynep y|llas thomas archescob gỽr maỽr
16
y|grefuyd a|e santeidrỽyd. a|e gyfyaỽnder. o|gygor
17
Ac o annoc henri urenhin lloegyr. y|pumhet dyd
18
ỽedy dyỽ nadolyc ger bronn allaỽr y drindaỽt
19
yn|y cappel e|hun yg|kent. A|e escobaỽl ỽisc ymdanaỽ
20
A delỽ y groc yn|y laỽ. y|llas a chledyfeu ar diỽed
21
y|offeren. Yn|y ulỽydyn honno y morỽydaỽd ric+
22
kert iarll ffristig uap gilbert bỽa kadarnn. A|ch+
23
adarnn uarchaỽclu ygyt ac ef y Jỽerdon. Ac yn|y
24
kyrch kynntaf y|kymerth porth lachi. A|gỽedy
25
gỽneuthur kyueillach a diermit urenhin y|verch
26
a|gymerth ynn priaỽt. Ac o nerth hỽnnỽ y cauas
| « p 36r | p 37r » |