NLW MS. Peniarth 190 – page 16
Ystoria Lucidar
16
ac a|vyd. a deall y peth kyndrychaỽl. a|r hynn
ny weler. ac ewyỻys y dewissaỽ da. ac y ỽrthot
y drỽc. ac yn vn duỽ y maent yr hoỻ nerth+
oed. a chyffelybrỽyd y hynny yssyd yn yr ene+
it. kanys craf vyd ar yr hoỻ nerthoed. ac me+
gys nat ymordiwed vn creadur a|duỽ. ac efo
yn ymordiwes a phop peth. veỻy nyt oes vn
creadur o|r a|weler a aỻo ym·ordiwes ac eneit.
kanys efo a ymordiwed a phob creadur gỽe+
ledic. kanny dichaỽn y nef wrthỽynebu idaỽ.
ual na medylyo petheu nefaỽl. na|r eigyaỽn
hyt na medylyo am vffern. a|ỻyna y substans
ysprydaỽl ef. discipulus A wnaeth duỽ dyn a|e dỽylaỽ
e|hun. Magister O|e erchi e|hun drỽy y eireu. ac o
hynny y dangossir bot yn vreuaỽl y anyan
ef. discipulus Paham y gỽnaeth ef dyn o defnyd mor
dielỽ a hỽnnỽ. Magister Yr gỽaradwyd y gythreul ac
yr kythrud idaỽ. bot peth pridlyt tomlyt ỻych+
aỽc megys hỽnnỽ yn medu y gogoneant y
dygỽydaỽd ef ohonaỽ. discipulus O ba beth y kafas ef
y enỽ. Magister Kanys efo oed y byt bychan o bedeir
| « p 15 | p 17 » |