NLW MS. Peniarth 190 – page 244
Penityas
244
gỽassanaeth dỽywaỽl. ac a dywetto y
oryeu kanhỽynaỽl. o|r|byd benoffis idaỽ.
neu o|r byd yn vrdaỽl. ac am chware ta+
plys neu y ryỽ betheu hynny. yn y rei
y gnottaant ỽy godi duỽ yn vynych.
Govynnet ef heuyt yngkylch y bren+
hined a|r tywyssogyon am gyfyaỽnder.
Tu ac att y marchogyon vrdaỽl am
dreis. Tu ac att y porthmyn ac ereiỻ a
wnel creffteu ỻeygyaỽl am anudoneu.
a ffuc a thỽyỻ. a ỻedrat. a|r ryỽ betheu
hynny. a gouynnadwy yỽ tu ac att y
meibyon eiỻon y ỽrth gynghoruynt a
ỻedrat. ac yn bennaf am eu degemeu.
ac eu tretheu. a phetheu tebyc y hyn+
ny. kanys herwyd amryuaelder eu
personyeu ac eu sỽydeu yn wahanreda ̷+
ỽl y dylyir govyn y pechodeu. a gỽy+
bot a dylyir mae tri pheth yssyd reit
eu hystyryeit yn|y govynneu. Yn gyn+
taf. govynner y bop pechadur am y
| « p 243 | p 245 » |