NLW MS. Peniarth 190 – page 28
Ystoria Lucidar
28
mỽy no|r byt oỻ. Magister|Ynteu a|dalaỽd drostaỽ
ef mỽy no|r byt oỻ. ny aỻei ef wneuthur y
vn o hynny. ac am|hynny yd aeth ynteu y
angheu. discipulus Paham na diuaỽyt ynteu yna
o gỽbyl. Magister Ny aỻwyt symudaỽ gossodedi+
gaetheu duỽ. kanys o genedyl adaf yd ar+
uaethaỽd ef gỽplau rif y etholedigyon. discipulus
Beth a|wnaeth ynteu am|dỽyn ohonaỽ y
gan duỽ y anryded heb y dalu. Magister|Yna y by+
ryỽyt ynteu ym|poeneu. discipulus Ae anryded gan
duỽ poeni dyn. neu pa|wed y mae. Magister Am
dremygu ohonaỽ melyster y tat yn|y gogo+
nyant. am hynny y symudaỽd ynteu me+
gys gỽas gỽrthgas y vot ef yn duỽ pan
boenet. discipulus Paham na madeuei duỽ idaỽ
ynteu ac ef yn|drugaraỽc yr hynn ny aỻei
y dalu. Magister Pei as|gỽnelei ef ueỻy a|dywe+
dut y vot yn an·aỻuaỽc. a phei kymerei
ef bechadur o|dyn yn diboen yng|gogony+
ant a bỽrỽ o·honaỽ angel o achaỽs vn me+
dỽl y|nghyuyrgoỻ angkyfyaỽn vydei yr hynn
| « p 27 | p 29 » |