NLW MS. Peniarth 190 – page 59
Ystoria Lucidar
59
Magister|Y|r rei drỽc y|byd amylder o achaỽs yr e+
tholedigyon. megys y tremyckont yr hynn
y gỽelont y rei gỽaethaf yn blodeu o·na+
dunt. Yn|gyntaf kyuoethaỽc vydant me+
gys y gaỻont o gyfyaỽn varn duỽ gỽr+
thlad drỽy eu golut y drygeu y maent
yn eu chwenychu. Yr eil yỽ. o|r gỽnant da
ỽynt a gaffant dal amdanaỽ. kanys y|r
peth daearaỽl y gỽnant bop peth o|r a|wne ̷+
lont. ac odyna y kymerant yman eu
kyfloc. Kadarn vydant yn gyntaf oc eu
haỽs* e|hunein. megys y gaỻont gỽplau
y drygeu y maent yn eu karu. Yr eilweith
o achaỽs y rei camwedaỽc. o|e hamdiffyn
ỽynteu yn eu drỽc. Y trydyd achaỽs yỽ y
gospi o·nadunt yr etholedigyon. ac o|e he ̷+
mendau o|e dryc·weithredoed. Odyna iach
vydant megys na synyant yma boeneu
y·gyt a|dynyon. Y rei hynny a losgir o orthr+
ymaf dolur rac ỻaỽ. Y rei gỽirion a vyd
eisseu ac amarch. a heint arnunt yman
| « p 58 | p 60 » |