NLW MS. Peniarth 32 (Y Llyfr Teg) – page 54
Llyfr Iorwerth
54
uynnaf vraỽt y gan yr ygnat. ac yna y mae
iaỽn y|r ygnat mynet aỻan y varnu braỽt.
Sef a|wyl kyfreith yna; ỻỽ y kynnogyn
ar y seithuet y wadu chwe|gỽyr ac e|hun seith+
uet. Pedwar o barth y tat. a|deu o parth y
uam. ac yn gynesset eu kerennyd idaỽ ac y
dylyont talu galanas ygyt ac ef a|e chymryt.
Sef yỽ oet y reith honno; ỽythnos o|r sul rac+
wyneb. ac y·sef ỻe y rodir y reith honno yn|y
ỻann y bo y dỽfyr sỽyn a|e vara offeren. ac y+
sef amser y kymerir y reith; y·rỽg y benedica+
mus a rodi y bara offeren. ac o|r keiff y reith
dogyn yỽ idaỽ. ac ony cheiff y reith; talet ef
y|r haỽlỽr. ac o|r myn yr arglỽyd erlit y an+
nudon arnaỽ erlynet. Py vach bynnac a
ỽrthtyngho ar y kynnogyn. ryd vyd o|r haỽl
ac o|r vechni; kan gỽnaeth teithi mach. Py
uach bynnac ny wrthtyngho ar y kynnogyn;
talet e|hun y|r haỽlỽr. kany wnaeth teithi mach
a|r hynn a|dylyei. Pan adefho mach ỽrth yr
ygnat y vot yn vach. iaỽn yỽ y|r haỽlỽr yna
tystu y ry adef o·honaỽ rac kilyaỽ o·honaỽ
yr eilweith. O deruyd y|dyn kymryt mach ar
beth y gan araỻ. iaỽn yỽ idaỽ dodi oet ar y
peth a|dylyho; a phan del y oet iaỽn yỽ idaỽ e
hun gouyn y kynnogyn kysseuin. ac os
| « p 53 | p 55 » |