NLW MS. Peniarth 35 – page 82v
Llyfr Iorwerth
82v
har ac vrth honno gỽneuthur y paỽb
kystal a|e gilyd. O deruyd bot amrysson
y rỽng deu kyuarỽr am tir gỽyd ac arall
ffaeth. Ar neill yn mynnu eredic tir gỽ+
yd ar llall heb y uynnu Onyt ammot a|e
dỽc racdaỽ iaỽn yỽ idaỽ eredic yr llall y
tir a uo gantaỽ. O deruyd amrysson y
rỽng deu kyuarỽr ar neill yn mynnu
eredic ym pell. Ar llall yn agos. y kyfreith. a dy+
weit na dylyant uynet namyn yn| y lle
y gallo yr ychen kyrhaedu eu gwed a|e
budelỽ yn wann ual yn cadarn yn| y kym+
hỽt. y. kyfreith. a| dyweit na dylyir ac na ell+
ir kymynnu ychen a| uo yng kyuar heb
gannyat y kyuarwyr Cany dyly neb ky+
mynnu dim namyn yr hynn a| uedho ar+
naỽ. Ac na med ynteu ar hỽnnỽ. [ y
kyfreith. a| dyweit na dylyir gỽystlaỽ ychen a
uo yng kyuar. Nac eu hadauaelha Cany
dyly neb gỽystlaỽ namyn yr hynn a uo y+
n| y uydyant a| hỽnnỽ nyt eidiỽ. Pỽy
bynhac a wnel kyuar a gỽedy hynny ky+
uaru ac arall; y kyfreith. a| dyweit dylyu bot
yr ychen hynny yn| y kyuar kyntaf. A chet
gỽnel ynteu cant kyuar gỽedy hynny
| « p 82r | p 83r » |