Breudwd Welsh Prose 1300-1425
Cymraeg

NLW MS. Peniarth 38 – page 40r

Llyfr Blegywryd

40r

phan dalher; vugeint* a|drycheiff ar y|ỽerth. a|p+
han ffrỽynher. pedeir keinhaỽc cotta. ac velly ỽ+
heugeint a|tal. amỽs a pascer ỽhech ỽythnos; ~
punt a tal. Palffre; morc a|tal. Rỽnsi; ỽheugeint.
R·aỽn amỽs y|maes o|r goloren; pedeir ar hugeint
a|tal. O|r trychir dim o|r goloren; gỽerth yr amỽs
oll a|telir. Llygat amỽs a|e glust; pedeir ar|huge+
int a|tal pop vn. O|r dellir oll; y ỽerth oll a|telir.
Gỽerth raỽn rỽnsi; deudec keinhaỽc. ac velly y
lygat a|e glust. Y neb a ỽatto llad march yn lled+
rat; rodet lỽ petỽar gỽyr ar|hugeint. V·nỽerth
vyd kassec tom a buch; dros loscỽrn pop vn a|e
lygat a|e glust; pedeir keinhaỽc. kyfreith. a telir. Cas  ̷+
sec reỽys gỽedy yd|el ystalỽyn erni. ỽheugeint
a|tal. Y neb a|ỽertho march; bit dros dilysrỽyd ~
hyt varỽ. a rac y|dera; tri dieu. a|rac yscefeint; teir
lloer. a rac llynmeirch; vlỽydyn. ac yn achỽanec
bit rac cleuyt o|e vyỽn. T·eithi march neu gas+
sec; yỽ pori. ac yfet dỽfyr. a rodi escyn. ac na bo llỽ+
ygus. ac o|r byd llỽygus. arueret trayan y|ỽerth