NLW MS. Peniarth 38 – page 43v
Llyfr Blegywryd
43v
Odyna hyt galan ionaỽr; dec ar hugeint a|tal.
ac yna deuparthaỽc vyd y kic ar yr eneit. Nyt
oes ỽerth kyfreith ar gnyỽ|hỽch hyt ym pen y vl+
ỽydyn. ac yna kyfreith hỽch maỽr a|gymer. ~
Pop peth ny bo gỽerth kyfreith arnaỽ; dam+
dỽg a geffir ymdanaỽ herỽyd kyfreith hyỽel.
Rys vab gruffyd arbenhic deheubarth trỽy
duundeb a|e ỽlat a ossodes gỽerth damdỽg ar
pop llỽdyn. nyt amgen tygu o|r perchennaỽc
y talei y da ef y gỽerth a|ỽnel arnaỽ ac y kaffei
yrdaỽ. Y neb a|ỽertho moch; bit ydanunt rac
y vynyglaỽc; tri dieu. a rac yr hualaỽc; tri
mis. ac nat yssont y|perchyll. ac os yssant ar+
uerer trayan eu gỽerth. ac ny dylyir eturyt
y moch. a|byth y|bydir dros eu dilysrỽyd. O r
llad moch neb dyn; talet eu perchennaỽc ala ̷ ̷+
nas y|dyn o|r adef y|moch. Dros vaed kenu+
ein y|telir baed arall a|hỽch o|pop parth idaỽ.
G ỽerth kath a|ỽarchatỽo yscubaỽr bren+
hin o|r lledir neu o|r dygir ledrat. y|phen
| « p 43r | p 44r » |