NLW MS. Peniarth 45 – page 267
Brut y Brenhinoedd
267
cawat laỽ ar dygỽydassei am y penn. A ph+
an welas y gỽr yn ỽylaỽ. Gouyn a|wna+
eth pa·ham yd ỽylei. Ac yd attebaỽd ynteu yn|y
wed hon. Arglỽyd heb ef. defnyd yỽ ymi ỽyl+
aỽ ac y kenedyl y bryttanneit o hediỽ allan yn
tragywydaỽl. y kenedyl yssyd yn diodef poen
yr yn oes uaelgỽn gỽyned. Ac er hynny ny
chauas un tywyssaỽc a gynydei y theilygdaỽt
idi. Ar bychydic oed udunt. Titheu hediỽ
yn gadu y saesson trỽy y tỽyll a|e brat y ca+
ffel. Ponyt clotuaỽr udunt hỽy kynydu
yn gymeint a gỽneuthur brenhin o·honunt
e|hunein. A phan klywer hynny yn|y gỽlat
yd|ymgynnullant hỽynteu a thrỽy y gonota+
edic brat y distrywant yn kenedyl hyt ar
dim. Canys kynneuodic yỽ gantunt na
chatwant na fyd na chywirdeb ỽrth neb. ~
Ac ỽrth hynny arglỽyd heb ef yd oed iaỽnach
ynni eu kywarsangu noc eu kynydu Canys
pan y hettelis gỽrtheyrn gỽrtheneu wynt
y gyt ac ef y amdiffyn y wlat megys gỽyr
fydlaỽn rac y elynyon. Eissoes pan allyssant
hỽy gyntaf caffel lle ac amser. y talyssant
idaỽ drỽc dros da. Ac y lladyssant wyrda y
teyrnas trỽy eu tỽyll. Ac odyna trỽy urat
| « p 266 | p 268 » |