NLW MS. Peniarth 45 – page 28
Brut y Brenhinoedd
28
1
o|e enỽ ynteu yr alban. Ac gỽedy eu bot y·uelly yn
2
tangneuedus trỽy hir amser y doeth humyr urenhin
3
dunaỽt a llyges gantaỽ hyt yr alban. Ac gỽedy
4
ymlad o·honaỽ ac albanactus a|e lad kymell y bobyl
5
ar fo hyt ar locrinus. Ac yna yd anuones locrinus hyt
6
ar kamber y uraỽt y erchi idaỽ lluydaỽ ygyt ac ef
7
y ymlad a humyr urenin. dunaỽt ac y doethant hyt
8
ar lan humyr ac ymlad a|e kymell ar fo ac y bodes
9
ar yr auon ac yd edewis y enỽ ar yr auon er hyn+
10
ny hyt hediỽ. Ac gỽedy y uudugolaeth honno ran+
11
nu a oruc locrinus yr yspeil rỽng y gedymdeithon oll
12
eithyr teir morỽyn anryued y tegỽch a gauas y+
13
n|y llongeu ar decaf ar benhaf oed uerch y urenhin
14
germania ac a dugassei humyr gantaỽ pan uu
15
yn anreithaỽ y wlat honno. Sef oed enỽ y uorỽ+
16
yn essyllt ac nyt oed haỽd cael dyn kyn deket
17
a|hi yn yr holl uyt a diruaỽr serch a|dodes locrinus
18
arnei a mynu y phriodi ac gỽedy clybot hynny
19
o Corineus llidyaỽ a oruc yn uaỽr Canys kyn no hy+
20
ny yd amodassei locrinus kymryt y uerch ef yn wre+
21
ic wely idaỽ a dyuot a oruc Corineus at locrinus gan
22
treiglaỽ bỽyall deuuinyaỽc gan dywedut ual hyn.
23
A|e uelly locrinus y tely di y mi y saỽl urath a|gymereis
24
i dros dy dat ti tra uum yn kynydu kyuoeth idaỽ
25
kymryt alltudes hediỽ yn wreic it ny ỽdost o pa le
« p 27 | p 29 » |