NLW MS. Peniarth 46 – page 185
Brut y Brenhinoedd
185
ganyeit yn eu plith. ac yna guedy pregethu
o|r guyrda hynny. yd adnewydhaỽt y fyd
ym plith y brytannyeit. canys pa beth
bynnac a dywetynt ar eu tauaỽt. ỽynt
a|e kedernheynt trỽy y peunydyaỽl wy+
rtheu. ac anryuedodeu a wnaei duw
yrdynt. ac yna guedy rodi y uoruyn
y|r brenhin y dywaỽt heingyst yr yma+
draỽnd hỽn. miui heb ef y·syd megys
tatmaeth a chyglorỽr* yty. ac o bydy
di. ỽrth vyg kyghor i. ti a orchyuygy
dy holl elynyon. trwy uym porth ui
a|m kenedyl. ac ỽrth hynny gohodỽn
etwa offa uy mab attam ac olla y ke+
uynderỽ. canys ryuelwyr goreu yn|y
byd ynt. ac uuydhau a wnaeth Gor+
theyrn ỽrth y kyghor hỽnnỽ. ac yna
yd anuones heingyst hyt yn Ger ̷+
mania. ac y doethant odyno offa
ac olla. a cheldric. a thrychan llong ganthunt
yn llaỽn o uarchogyon aruaỽc. a hynny
oll a aruolles Gortheyrn yn llawen. ac
a urdỽs paỽb o·nadunt yn|y lle o rodyon
| « p 184 | p 186 » |