NLW MS. Peniarth 6 part iv – page 32
Geraint
32
a|dyuot a|oruc y Gỽas pan oed amser udunt deffroi. A chyfodi
a|orugant a|gorymdeith. A phan uu amser ganthunt kym+
ryt eu bỽyt a|wnaethant. A|r gỽas a|uu yn gỽassanaethu
arnunt. A Gereint a|ofynnaỽd y|ỽr y|ty a|oed getymdeithon idaỽ
a uynhei eu gỽahaỽd attaỽ. oes heb ynteu. Dỽc titheu yma
ỽynt y gymryt digaỽn ar vyg kost|i o|r hyn goreu a gaff+
er yn|y tref y*|werth. y nifer goreu a|uu gan ỽr y ty ef ae duc
yno y|gymryt digaỽn ar gost gereint. Ar hynny nachaf yr
iarll yn dyuot y ymwelet a Gereint. ar y deudecuet march ̷+
aỽc urdaỽl. A chyfodi a oruc Gereint a|e raessawu. Duỽ a|rotho
da itt heb yr iarll. A mynet y eisted a orugant paỽb val
y racdylei y anreded. Ac ymdidan a oruc yr iarll a gereint. a
gofyn py ryỽ gerdet oed arnaỽ. Nyt oes genhyf|i namyn
edrych damweineu a gỽneuthur negesseu a uo da gen ̷+
hyf. Sef a oruc yr iarll yna edrych ar enyd yn graff sych ̷+
edic. A diheu oed ganthaỽ na welsei eiroet
morỽyn tegach no hi. na gỽym pach a dodi y vryt a
ruc* arnei. A gofyn a oruc y ereint a gaffei ganhyat gantaỽ
y vynet y ymdidan a|r vorỽyn. keffy yn llawen heb·y Gereint.
A dyuot a oruc ynteu yn|yd oed y uorỽyn. A dywedut ỽrthi
A uorỽyn heb ef. nyt digrif itt yn|y kerdet hỽn gyt a|r
gỽr racco. nyt anigryf heb hi genhyf|i kerdet
y fford y kertho ynteu. ny cheffy heb ynteu na gỽeisson
na morynyon a|th wassanaetho. Digrifach yỽ genhyf|i
kanlyn y gỽr racco no phei kaffỽn weisson a morynyon.
Mi a|ỽnn gyghor da itt heb ynteu. Mi a rodaf vy iarlla ̷+
eth y|th vedyant a|thric gyt a miui. Na vynnaf yrof|i
a duỽ a|r gỽr racco yd ymgredeis i eiroet ac nyt anwa+
| « p 31 | p 33 » |