Breudwd Welsh Prose 1300-1425
Cymraeg

Shrewsbury MS. 11 – page 127

Elen a'r Grog

127

a ouẏnny di ponẏt adefeist|i tẏ|hun heb
ẏ vrenhines bot ẏ gweithredoed ẏn pe+
truster kẏfadeis* heb ynteu Ẏ|mae gen+
nyf i ẏn ẏr euegẏl˄yeu heb ẏr elen ual ẏ
croget Jessu a|ma˄nac di ymi ẏ lle a|elwir
caluaria a minheu a|paraf glanhau ẏ
lle hỽnnỽ ac ef a allei im gaffel vẏn
damunet nẏ|m ganẏssit  yna arglỽ+
ẏdes Mẏn|ẏ gỽr a groget heb yr elen
nẏt a na bỽẏt na diaỽt ẏ|th penn hẏt
ẏn* dẏwettych wirioned ac ẏna ẏ peris
elen ẏ warchae ef ẏ|mẏỽn go˄gof sech a|e
gadỽ ẏno seith niwarnaỽt Ac ẏno ẏ
dodes ef lef uchel maỽr a gỽedio am
ẏ dỽẏn odẏno a dywetut ẏ dangossei
croc Jessu ac ẏna ẏ ducpỽẏt ef o|r og+
of ac ẏd aeth hẏt ẏ lle ẏd oed croc
iessu ac o efrei ẏ dodes llef uchel nẏt
amgen Duỽ duỽ ti a|orugost nef a d+
aẏar ac a uessureist ẏ nef o let dẏ