Cambridge Trinity College MS. O.7.1 – page 60r
Llyfr Blegywryd
60r
yỽ. kynefaỽt a raculaenho kyfreith
or byd idi aỽdurdaỽt brenhinaeth
kynhalyadỽy yỽ. kynefaỽt a lỽgyr
kyfreith. ac ny dylyir y chynhal.
Tri pheth a gadarnha kynefaỽt;
aduỽynder. a gallu. ac aỽdurdaỽt.
Tri pheth a wanha kynefaỽt; gỽrth ̷+
rymder. ac agheugant uoned. a dryc+
TEir rỽyt brenhin ynt. [ agreith
y teulu. ac allwest y veirch.
ae preid warthec. pedeir
keinhaỽc kyfreith y brenhin o pob
eidon a gaffer ymplith y warthec.
ac uelly o pob march a gaffer ym ̷+
plith y veirch. Teir rỽyt breyr ynt;
allwest y veirch. ae preid warthec.
ae genuein voch. o pob llỽdyn a gaf ̷+
fer yn eu plith oc eu kyfryỽ. pedeir
keinhaỽc. kyfreith. a geiff y breyr. Teir
rỽyt tayaỽc ynt. y warthec ae voch
ae hentref. o pob llỽdyn a gaffer yn
eu plith o galan mei hyt amser me ̷+
di pedeir keinhaỽc a geiff y tayaỽc.
Tri chorn buelyn y brenhin; y gorn
| « p 59v | p 60v » |