BL Additional MS. 14,912 – page 78v
Meddyginiaethau
78v
Y Ueddeginyaeth oreu pỽy bynnac a ar+
uero o·honei y lygeit. ddeugein niỽarnot
keis y ỻysseỽyn a|elỽir. apium. sef y ỻysse ̷ ̷+
ỽynn hỽnnỽ. Mers. y finegyl. a|r ỻysseu a|elỽ ̷ ̷+
ir rutam sef yỽ hỽnnỽ. ryỽ. y verỽein.
dannoc seint fred. a|r truỽ a deil yr ys ̷ ̷+
kaỽ a|r kemedrios. a|r meiỻon. a|r pin+
peruel. a|r ỽaet·lys·ỽenn. a|r sage dof a
y morteru y·gyt. ac vrin mab gỽyry
ac vn gronyn ar bymthec o pypyr gỽ ̷ ̷+
edy y gỽnelyr yn bỽdỽr a dodi mel yn
gyn|deỽed a|r eli. a|chadỽ yr eli hỽnnỽ
myỽn blỽch o goppyr. Prouedic yỽ hynny.
Saf yỽ hỽnn Eli brath.
Kymmer vloneg gỽydd. a thorina ̷ ̷+
eu a|r crosic. a|r glesni y koet. a|r ỽrneyth
a|r seingle a|r droetrudd. a|r erinỻys
vaỽr ac herỽ batus a|r com·feri. a|r ỽae+
| « p 78r | p 79r » |