Bodorgan MS. – page 71
Llyfr Cyfnerth
71
brath ki neb dyn hyny del y| gỽaet. talet
perchennaỽc y ki waet y dyn. Ac o|r llad
y dyn rỽygedic y ki heb symut odyno;
ny cheiff onyt vn ar pymthec aryant.
Ki kynefodic a rỽycco dyn teir·gỽeith
onys llad y perchennaỽc ef. kyfreith
yỽ y rỽymaỽ ỽrth troet y arglỽyd dỽy
ryỽhant y ỽrthaỽ. Ac uelly y lledir. Ac o+
dyna talet tri buhyn camlỽrỽ yr bren ̷+
hin. Ny diwygir drỽc a wnel ki kyn+
deiraỽc. kany medir arnaỽ. kyn dyccer
ki yn lledrat; ny wneir kyfreith ledrat
OR pan dotter yr [ ymdanaỽ.
yt yn| y dayar hyt pan el yn| y ys ̷+
cub. aryant tal a daỽ drostaỽ. Ac odyna
yscub iach yn lle y| glaf. O pop eidon bu+
arth; dimei y dyd a cheinhaỽc y nos. O
pop march a uo hual neu laỽhethyr ar+
naỽ; keinhaỽc y dyd. a dỽy y nos. O|r byd
disgyfrith. dimei y dyd a cheinhaỽc y
nos. Os disgyfreitha y deilat y march
pan y dalhyo ar y yt; talet tri buhyn
camlỽrỽ yr brenhin. dodet hagen y dỽy
egỽyt am yr vn troet; ac uelly ny chyll
dim.
| « p 70 | p 72 » |