NLW MS. 24029 (Boston 5) – page 103
Llyfr Blegywryd
103
tẏ gẏntaf a|ennẏnho ganthaỽ vn o|pob
parth idaỽ. Y neb a|venffẏccẏo tẏ a|than
y|dẏn arall; o|r kẏnneu hỽnnỽ tan teir
gweith ẏnn|ẏ tẏ. cỽbẏl tal a|geiff gant+
aỽ o|r llẏsc. Pỽẏ bẏnnac a|daỽ tan ẏ|m+
yỽn odyn venffyc; a|dyuot arall y at+
gynneu y|tan a|llosci ẏr odyn; hỽẏnt
ell a deu a|e|tal ẏn deu hanner ẏ|r perchen+
naỽc. Os ẏ kẏntaf hagen a|diffẏd ẏ|t+
an oll. neu a|gẏmero ffẏd ẏ|gan ẏr eil
ar diffodi ẏ|tan kẏn ẏmadaỽ ac ef. nẏ
thal ẏ kẏntaf dim drosti. kẏt llosco gỽ+
edẏ hẏnnẏ. Odẏn biben brenhin; whe+
ugeint a|tal. Odẏn breẏr; trugeint.
Odẏn mab|eill brenhin. dec ar|hugeint.
Odẏn mab|eill breẏr; pedeir ar|hugeint.
Pob odẏn ar|nẏ|bo piben idi; trayan
ẏ gỽerth a|dẏgwẏd ẏ|r llaỽr. ~ ~ ~ ~ ~
R Ẏd ẏỽ ẏ|r brenhin helẏ ẏm
pob lle ẏnn|ẏ wlat. Pẏ|le|bẏn+
nac ẏ gordiweder hyd a|uo k+
ẏnẏdẏon ẏ brenhin ẏnn|ẏ he+
lẏ; ny|cheiff neb whartharwr tir ohon+
naỽ. O|R lledir hẏd brenhin ẏ mẏỽn
tref breẏr ẏ|bore. kattỽet ẏ breẏr ef
| « p 102 | p 104 » |