Cardiff MS. 1.363 (Hafod 2) – page 134v
Brut y Brenhinoedd
134v
1
y kynghor ef a|e synhwyr. kanys Gwr doeth adỽ+
2
et oed hvnnỽ. a maỽr y kynghor. Ac ar henny
3
Gwrleys a dywaỽt ỽal hynn. Nyt reyt ep ef a+
4
mkylchyon nac amadrodeỽ gorwac eng kylch h+
5
ynn namyn hyt tra parhao e nos e mae yaỽn yny
6
arỽerỽ o gleỽder a chedernyt a dewred o mynn+
7
ỽn nynheỽ arỽerỽ o rydyt a ỽo hwy ac en bwched
8
kanys maỽr yw amylder e paganyeyt a chwanaỽc
9
y ymlad. a lley yw e nyfer nynheỽ. ac os e|dyd a arh+
10
oỽn ny barnhaf y bot en grynno ynny emkyfar+
11
ỽot ac wynt. Ac wrth henne hyt tra parhao
12
tywyllvc e nos dyskynnỽn ac en dysseỽyt kyrc+
13
hỽn am eỽ penn en eỽ pebylleỽ en dyarwybot.
14
kanys ny thebygant wy en dyỽot ny. ac evelly
15
en dyrybỽd dyarỽot e kaffỽn ny bỽdỽgolyaeth
16
onadỽnt os o ỽn ỽryt ed arỽerỽn nynheỽ o gle+
17
wder. a henny hep pedrỽs. Ar kyghor hỽnn
18
a wu da kan paỽb ac ỽfydhaỽ a orỽgant o|y dy+
19
skedygatheỽ ef. ac en dyannot kyweyryav eỽ
20
bydynoed. ac en wyskedyc oc eỽ harỽeỽ kyrchỽ
| « p 134r | p 135r » |