Cardiff MS. 1.363 (Hafod 2) – page 137v
Brut y Brenhinoedd
137v
1
ynneỽ y ty kyghor o|r hwnn e gallwyf ynheỽ
2
eylenwy ỽy ewyllys ynheỽ rac damweyn o
3
tra goveylyeynt ỽy aballỽ. Ac ar henny e dy+
4
wavt Wlffyn. Argluyd ep ef pwy a alley rody
5
kyghor y ty kanyt oes nep kyfryw grym nac
6
ansaỽd e gallem ny mynet eg kyỽyl kastell
7
tyndagol kanys ene* e mor e mae gossodedyc ac
8
en kaedyc ene y kyll* o|r mor ac nat oes ỽn fford
9
e gallet mynet ydaỽ namyn ỽn karrec kyfy+
10
ng a honno try marchaỽc arỽaỽc a ellynt y
11
chadỽ ket|delhey holl teyrnas prydeyn y gyt
12
a|thy. Ac eyssyoes pey merdyn ỽard a gwnel+
13
hey y allw en graff eng kylch henny my a teby+
14
gỽn trwy y kyghor ef e gallỽt tytheỽ arỽerỽ
15
o|th damvnet ac o|th ewyllys. A chredỽ a orvc
16
e brenyn y henny a dyfynnỽ merdyn attaỽ ka+
17
nys en|e llw ed oed. Ac|gwedy dyỽot merdyn
18
rac bron e brenyn ef a erchys ydaỽ rody kyg+
19
hor ydaỽ trwy er hwnn e galley e brenyn ka+
20
ffael eygyr wrth y kyghor. Ac gwedy gwyb+
21
ot o·honaỽ meynt e goveylyeynt ar pryder
22
oed ar e brenyn amdeny dolỽryaỽ a orỽc ent+
23
ev rac e ỽeynt karyat oed kan e brenyn arney
24
a dywedỽyt ỽal hynn. O mynny ty kaffael de
| « p 137r | p 138r » |